Presentación da triloxía "Ámote Leo A.", de Rosa Aneiros
O mércores, 18 de xuño 2014 no Centro de Documentación e Recursos Feministas ás 19.00 horas, terá lugar a presentación da triloxía "Ámote Leo A.", de Rosa Aneiros. No acto estará a autora e Anaír Rodríguez de ed. Xerais
Destino xalundes Catro amigos e unha gran viaxe. Este era o plan de Leo ao rematar os estudos universitarios. En cambio, todo se esborralla e Leo marcha soa... Aquí comeza un periplo cheo de aventuras e de personaxes fascinantes. Lisboa, Barcelona, Granada, Marrakech, O Cairo e Istambul serán as primeiras escalas desta apaixonante viaxe perseguida por unha enigmática pintada que aparece nos lugares máis insospeitados: Ámote Leo A. Quen estará detrás da misteriosa mensaxe? Inicia así unha engaiolante triloxía na que Leo deberá resolver estas e outras incógnitas que lle deparará o camiño...
Estación de tránsito Logo das peripecias de Destino xalundes, Leo deberá superar dificultades e asumir sorpresas tan marabillosas como imprevistas no seu camiño. Haberá novas cidades, novas amizades e novas pintadas para unha viaxe que parte de cero cada día.
Terminal de...chegadas? «Mamá, volvo á casa. Xa.» Así lle escribe Leo á súa nai unha noite
de primavera, catro meses despois do inicio da súa fascinante viaxe polo mundo. A moza non ten gana de máis. Pero non se trata dunha rendición, velaquí unha auténtica arroutada sentimental...
Descargar todas as imaxes
Estación de tránsito Logo das peripecias de Destino xalundes, Leo deberá superar dificultades e asumir sorpresas tan marabillosas como imprevistas no seu camiño. Haberá novas cidades, novas amizades e novas pintadas para unha viaxe que parte de cero cada día.
Terminal de...chegadas? «Mamá, volvo á casa. Xa.» Así lle escribe Leo á súa nai unha noite
de primavera, catro meses despois do inicio da súa fascinante viaxe polo mundo. A moza non ten gana de máis. Pero non se trata dunha rendición, velaquí unha auténtica arroutada sentimental...