O Curso de dirección de organizacións non lucrativas amosará técnicas para xestión de entidades
A concelleira de Participación Cidadá, Mariló Cabaleiro, presentou o curso de posgrao en administración e dirección de organizacións non lucrativas. Este curso, no que colaboran a Consellería de Asuntos Sociais, Caixa Galicia e a Universidade de Vigo, proporcionaralle aos asistentes un modelo integral e adaptado para a administración das ONLs e dos programas que desenvolven.
Este curso pretende afondar no coñecemento do entorno e da articulación do terceiro sector, facendo un especial fincapé no ámbito da acción voluntaria. Ademais, servirá para capacitar os asistentes para o exercicio das funcións directivas e xerenciais de entidades que conten con recursos humanos voluntarios e presentará as técnicas e ferramentas máis habituais na xestión ordinaria das entidades.
O decano da Facultade de Ciencias Económicas e Empresariais de Vigo, Xosé Manuel García Vázquez, dirixirá o curso, que está coordinado polo consultor de ONLs Xosé Antón Fernández Roxo. A docencia será impartida por profesorado da Universidade de Vigo, así como por expertos na administración e dirección do sector non lucrativo, das administracións públicas e doutras universidades.
O curso facilitará a realización de prácticas que permitan experimentar os contidos teóricos aportados. Introducción ao terceiro sector, recursos humanos e voluntariado, xestión financeira e económica, márketing e comunicación ou informática son algúns dos contidos do programa.
Os interesados en asistir poden preinscribirse ata o 25 de outubro e a matrícula estará aberta do 28 de outubro ao 6 de novembro. Terá 300 horas de duración que se poderán validar por 30 créditos con 5 créditos prácticos. Impartirase os xoves e venres de 16:00 a 21:00 horas do 15 de novembro a xuño de 2003.
Descargar todas as imaxes
Este curso pretende afondar no coñecemento do entorno e da articulación do terceiro sector, facendo un especial fincapé no ámbito da acción voluntaria. Ademais, servirá para capacitar os asistentes para o exercicio das funcións directivas e xerenciais de entidades que conten con recursos humanos voluntarios e presentará as técnicas e ferramentas máis habituais na xestión ordinaria das entidades.
O decano da Facultade de Ciencias Económicas e Empresariais de Vigo, Xosé Manuel García Vázquez, dirixirá o curso, que está coordinado polo consultor de ONLs Xosé Antón Fernández Roxo. A docencia será impartida por profesorado da Universidade de Vigo, así como por expertos na administración e dirección do sector non lucrativo, das administracións públicas e doutras universidades.
O curso facilitará a realización de prácticas que permitan experimentar os contidos teóricos aportados. Introducción ao terceiro sector, recursos humanos e voluntariado, xestión financeira e económica, márketing e comunicación ou informática son algúns dos contidos do programa.
Os interesados en asistir poden preinscribirse ata o 25 de outubro e a matrícula estará aberta do 28 de outubro ao 6 de novembro. Terá 300 horas de duración que se poderán validar por 30 créditos con 5 créditos prácticos. Impartirase os xoves e venres de 16:00 a 21:00 horas do 15 de novembro a xuño de 2003.