Caballero solicita ao Ministerio de Industria apoio para o proxecto do coche eléctrico
O alcalde vigués manifestou este luns a súa "preocupación" pola caída das axudas do Goberno de España á adquisición dos vehículos eléctricos -que pasan de 49 millóns en 2011 aos 10 deste ano- e informou da remisión dunha carta ao ministro de Industria, José Manuel Soria, que manteña o apoio a un proxecto "da maior importancia" polo seu carácter innovador e medioambiental. O desenvolvemento do coche eléctrico podería crear en Vigo uns 1.000 empregos, afirmou Caballero.
O alcalde anunciou hoxe luns o envío dunha carta ao ministro de Industria solicitando o seu "apoio" aos proxectos de desenvolvemento do coche eléctrico de Vigo e de España. Caballero explicou que é unha cuestión de gran futuro e marcado carácter innovador, medioambiental e xerador de emprego, para o que considerou necesario o respaldo do Ministerio.
A marcha dos plans de desenvolvemento do vehículo eléctrico é "da maior importancia" para Vigo xa que podería supor 1.000 empregos na cidade. Caballero indicou que "non podemos perder as oportunidades históricas", tanto para Vigo como para Galicia e España.
O alcalde subliñou que esta nova e máis eficiente forma de transporte conta en 2012 con máis vehículos no mercado que no 2011, e require "para a súa competitividade" de axudas públicas, o que revertirá no propio beneficio da administración estatal.
Descargar todas as imaxes
A marcha dos plans de desenvolvemento do vehículo eléctrico é "da maior importancia" para Vigo xa que podería supor 1.000 empregos na cidade. Caballero indicou que "non podemos perder as oportunidades históricas", tanto para Vigo como para Galicia e España.
O alcalde subliñou que esta nova e máis eficiente forma de transporte conta en 2012 con máis vehículos no mercado que no 2011, e require "para a súa competitividade" de axudas públicas, o que revertirá no propio beneficio da administración estatal.