Caballero asegura que "a cidade aguantou ben" o temporal, que deixou en Vigo 71 litros por metro cadrado
O alcalde de Vigo afirmou este luns que o dispositivo municipal de emerxencia preparado ante as fortes precipitacións desta fin de semana "funcionou ben", xa que atendeu un total de 155 incidencias, entre a Policía Local, os Bombeiros e a Protección Civil. Vigo rexistrou onte 71 litros de auga por metro cadrado, volume que no aeroporto de Peinador ascendeu aos 106 litros. Segundo datos da Axencia Estatal de Meteoroloxía, o máximo pico de precipitacións computadas foi ás 17 horas de onte, cun total de 19,2 litros/m2.
O alcalde de Vigo, Abel Caballero, indicou este luns que "a cidade aguantou ben" o temporal de choiva e vento rexistrado esta fin de semana na cidade, que deixou de media 71 litros de auga por metro cadrado no día de onte.
Segundo datos ofrecidos por Caballero da Axencia Estatal de Meteoroloxía, Vigo cidade rexistrou 70,8 litros/m2 mentres que o aeroporto de Peinador sumou 106 litros. A precipitación máxima por hora -19,2 l/m2- tivo lugar ás 17 horas de onte.
No tocante ás actuacións realizadas polos servizos municipais, o alcalde vigués afirmou que o dispositivo de emerxencia despregado "funcionou ben" e atendeu a 155 requerimentos, entre a Policía Local, os Bombeiros e a Protección Civil.
O rexedor fixo especial fincapé nas incidencias atendidas na rede de saneamento, en particular causadas por inundacións en zonas como Julián Estévez, Beiramar, a Praza de Portugal ou o Areal, fronte á estación ferroviaria de Guixar.
Apuntou Abel Caballero que estas precipitacións elevaron en 2,5 puntos o volume de auga embalsada do encoro de Eiras, o que abastece á poboacíón de Vigo, que pasou dun 42,2% ao 44,8%, o equivalente ao consumo da cidade de cinco días.
Descargar todas as imaxes
Segundo datos ofrecidos por Caballero da Axencia Estatal de Meteoroloxía, Vigo cidade rexistrou 70,8 litros/m2 mentres que o aeroporto de Peinador sumou 106 litros. A precipitación máxima por hora -19,2 l/m2- tivo lugar ás 17 horas de onte.
No tocante ás actuacións realizadas polos servizos municipais, o alcalde vigués afirmou que o dispositivo de emerxencia despregado "funcionou ben" e atendeu a 155 requerimentos, entre a Policía Local, os Bombeiros e a Protección Civil.
O rexedor fixo especial fincapé nas incidencias atendidas na rede de saneamento, en particular causadas por inundacións en zonas como Julián Estévez, Beiramar, a Praza de Portugal ou o Areal, fronte á estación ferroviaria de Guixar.
Apuntou Abel Caballero que estas precipitacións elevaron en 2,5 puntos o volume de auga embalsada do encoro de Eiras, o que abastece á poboacíón de Vigo, que pasou dun 42,2% ao 44,8%, o equivalente ao consumo da cidade de cinco días.