Caballero mantivo a primeira reunión co novo director executivo da Axencia Europea de Control da Pesca
O alcalde de Vigo recibiu este martes a Pascal Savouret, nomeado novo director executivo da Axencia Europea de Control da Pesca, que ten a súa sede na cidade. Savouret conta cunha ampla traxectoria no ámbito do control pesqueiro e responsabilizarase da execución das accións operativas da entidade. Tras a súa toma de posesión o pasado un de setembro, ambos mandatarios avogaron pola cooperación entre as partes en beneficio común.
