Escoitar

O alcalde visita os obradoiros para nenos organizados polos voluntarios da Cruz Vermella

Abel Caballero acudíu este xoves ao parque de Castrelos, onde está a ter lugar os obradoiros de animación organizados por voluntarios da Cruz Vermella Xuventude dirixidos a nenos de entre 5 e 12 anos. O alcalde salientou a importancia destas actividades no desenvolvemento psicomotor, afectivo e social dos rapaces; e felicitou á Cruz Vermella polos seus oito anos promovendo estas accións.

xoves, 28 ago 2008
1219928429cruzvermella.jpg
O obxectivo principal destas actividades consiste en ofertar alternativas de ocio a tempo de lecer no período estival ós nenos e nenas de Vigo e favorecer deste xeito o desenrolo psicomotor, afectivo e social dos participantes, salientou o alcalde, mediante os xogos como instrumento educativo. Neles realizaranse diversas actividades para fomenta-la distensión, favorecendo a relación co entorno, o desenrolo de habilidades e destrezas e a cooperación entre os participantes.

Abel Caballero destacou que os voluntarios de Cruz Vermella Xuventude, todos rapaces entre os 14 e os 18 anos, levan oito anos organizando e desenvolvendo estas accións, feito polo que felicitou tanto aos mozos e mozas como á entidade.

Os obradoiros de animación se enmarcan dentro das actividades que Cruz Vermella Xuventude organiza para que os voluntarios reciban a súa formación á vez practican o aprendido colaborando nestes proxectos de verán.

Os xóvenes contan así cunha alternativa de lecer: un itinerario de actividades e obradoiros lúdicos que promoven a participación e teñen un sentido formativo e de sensibilización sobre as necesidades sociais do seu contexto e o labor do voluntariado.
Descargar todas as imaxes