Xornadas de portas abertas no obradoiro de luthería antiga da EMAO
O obradoiro de luthería antiga da Escola Muncipal de Artes e Oficios (EMAO) ofrece ata o xoves unha xornadas de portas abertas para todos aqueles que queiran coñecer o seu funcionamento. Ademais, o mesmo xoves, ás 17.30 horas, terá lugar no Auditorio da Escola unha audición a cargo de alumnos do obradoiro.
Neste pequeno concerto daranse a coñecer algúns dos instrumentos construídos no obradoiro, como un clavicordio do século XVIII e un conxunto de harpas célticas de 36 cordas. Un grupo de alumnos será o encargado de tocar estes instrumentos.
Ademais, os aproximadamente 40 alumnos do obradoiro de luthería antiga elaboran violas de gamba e laúdes renacentistas. Para contemplar o seu traballo, os visitantes poden acudir ás xornadas de portas abertas en horario de 10.00 a 13.00 e de 16.00 a 19.00 horas ata o xoves.
O curso de luthería antiga da Escola Municipal de Artes e Oficios é impartido por Ramón Casal. É totalmente gratuíto e consta dun primeiro curso de iniciación e tres de perfeccionamento. Como complemento a esta formación, os alumnos do obradoiro aprenden a tocar a harpa durante un ano.
Algúns dos instrumentos construídos no obradoiro de luthería antiga formarán parte dunha exposición conxunta dos distintos obradoiros da Escola, organizada para pór fin ao curso actual. A mostra terá lugar no Salón de Exposicións da Escola do 22 de xuño ao 20 de xullo.
Ademais, os aproximadamente 40 alumnos do obradoiro de luthería antiga elaboran violas de gamba e laúdes renacentistas. Para contemplar o seu traballo, os visitantes poden acudir ás xornadas de portas abertas en horario de 10.00 a 13.00 e de 16.00 a 19.00 horas ata o xoves.
O curso de luthería antiga da Escola Municipal de Artes e Oficios é impartido por Ramón Casal. É totalmente gratuíto e consta dun primeiro curso de iniciación e tres de perfeccionamento. Como complemento a esta formación, os alumnos do obradoiro aprenden a tocar a harpa durante un ano.
Algúns dos instrumentos construídos no obradoiro de luthería antiga formarán parte dunha exposición conxunta dos distintos obradoiros da Escola, organizada para pór fin ao curso actual. A mostra terá lugar no Salón de Exposicións da Escola do 22 de xuño ao 20 de xullo.
