Abel Caballero felicita a Plexus Technologies polo seu compromiso coa mellora social
O Círculo de Empresarios de Galicia recoñeceu este martes a Plexus Technologies como a empresa máis destacada da comunidade no ámbito da Responsabilidade Social Corporativa, un galardón que recolleu o seu CEO, Antonio Agrasar da man do alcalde. Caballero puxo en valor o traballo que desenvolve a empresa que ten dado soporte ao Concello nos diferentes servizos de atención ao público e tamén no desenvolvemento da intranet municipal. Destacou a "sensibilidade" de Plexus Technologies e a importancia do seu compromiso coa mellora social, económica e a sostibilidade.
