A 10K de Teis volve na súa sétima edición como terceira proba do circuíto “Run Run Vigo”
O domingo 15 de marzo regresa a Teis a sétima edición da 10K, con máis de 600 inscritos e un crecemento do 44%. Esta é a terceira proba do circuíto municipal de carreiras populares Run Run Vigo 2026.
O alcalde, xunto cos organizadores da carreira, destacaron o éxito desta proba debido ao aumento da participación nun 44%, contando neste momento con 618 inscritos en ambas categorías. O percorrido, que atravesa todo o barrio de Teis, repite o das últimas edicións, transcurrindo por Sanjurjo Badía, o Monte da Guía, o parque da Riouxa, e a praia, pasando encima da ETEA.
A carreira conta con dúas modalidades, de 5 e a de 10 quilómetros, e ambas empezan e rematan na Rúa Purificación Saavedra, no mercado de Teis. Esta proba comeza ás 10 da mañá para os menores e ás 10:30 para os maiores nas dúas disciplinas.
Caballero estivo acompañado na presentación por Marcos Gerpe, director do Banco Santander e por Celia Rial e Roberto Giráldez, presidenta e director do Mercado de Teis, respectivamente.
