O Auditorio Municipal acolle os días 25 e 29 de abril o torneo de debate escolar con estudantes de 3ª e 4ª da ESO
Abel Caballero anunciou hoxe a celebración do torneo de debate escolar organizado polo Instituto da República Oriental do Uruguai, ROU, que se desenvolverá mañá 25 e o luns 29 no Auditorio Municipal, na Praza do Rey.
Alumnos de 3º e 4ª de Secundaria dos institutos República Oriental do Uruguai, da Guía, Álvaro Cunqueiro e Alexandre Bóveda, protagonizarán mañá o e día 29 de abril, o torneo de debate escolar entre centros educativos públicos.
O alcalde explicou que participarán 200 estudantes dos catro institutos de Vigo e que con esta iniciativa preténdese “contribuir ao traballo fóra das aulas para mellorar o desenvolvemento integral dos estudantes potenciando as súas habilidades creativas e capacidade argumental, ademais do pensamento crítico razoado”.