Concello de Vigo Vigo org
Xornalxornal.vigo.org
  


Noticias da semana

Suscribirse


 
mércores, 05 de setembro de 2018

Imprimir | Enviar | | Compartir:  


Vigo esixe á Xunta que abra o Punto de Encontro Familiar durante os 365 días do ano

A Corporación Municipal de Vigo aprobou este mércores por unanimidade a moción socialista esixindo á Consellería de Política Social que cambie as condicións de contratación do servizo de xestión do Punto de Encontro para que todas as familias poidan ser atendidas durante todo o ano.

O Pleno Municipal aprobou este mércores unha moción do grupo socialista para reclamar á Xunta que manteña aberto o Punto de Encontro Familiar durante os 365 días do ano. A proposta saíu adiante cos votos favorables dos tres grupos municipais.

A concelleira socialista Uxía Blanco sinalou que a o peche das instalacións dependentes da Xunta de Galicia "está a causar un problema grave" a un número importante de menores e aproximadamente a 200 familias debido "a absoluta imprevisión da Xunta".

Segundo explicou, o Punto de Encontro Familiar é utilizado por "parellas separadas, polo que ten unha grande importancia, non é unha cuestión secundaria na atención a menores". O edil incidiu en que non pode entender o peche do lugar a causa das vacacións dos traballadores, posto que non é unha causa excepcional.

Pola súa banda, desde Marea de Vigo a concelleira Margarida López Barreiro sinalou que o problema segue existindo e que o seu partido xa presentou una proposición non de lei no Parlamento de Galicia. No caso do PP, a concelleira Elena González estivo de acordo en solicitar a apertura todo o ano, pero asegurou que "tamén faltan traballadoras sociais" na época do verán.
Mais noticias
O goberno pide respecto pola investigación xudicial do Marisquiño e amosa o seu apoio aos afectados
O Concello ratifica a conxelación dos impostos e taxas no 2019
Caballero garante "apoio incondicional" aos traballadores no seu conflito contra Dornier
O Concello moderniza a ordenanza e os taxistas terán que vixiar a entrada das mulleres nos portais
O Pleno pide responsabilidades políticas á conselleira de Medio Ambiente pola súa posición "sectaria" ignorando ao Porto de Vigo
A Corporación Municipal reclama á Xunta que deixe de "boicotear" as obras do goberno local


Volver á portada

© Gabinete de Prensa - Concello de Vigo 2003