Escoitar

O alcalde elixe á decana de Ciencias do Mar para a lectura do Bando da Reconquista

Caballero fixo público este venres que a catedrática e decana da Facultade de Ciencias do Mar de Vigo, Belén Rubio Armesto, foi elixida para a redacción do Bando da Reconquista 2017. Entre os seus méritos, o rexedor subliñou súa a capacidade investigadora.

venres, 17 mar 2017
O alcalde de Vigo, Abel Caballero, anunciou este venres a elección da decana da Facultade de Ciencias do Mar da cidade, Belén Rubio Armesto, para a elaboración do Bando da Reconquista deste ano.

A facultade, que celebrou o pasado 2016 o seu vixésimo quinto aniversario, ten "enorme importancia" e peso en España e conta cunha "capacidade de investigación certamente notable", valorou o primeiro edil. De Rubio Armesto, Abel Caballero subliñou o seu rol de "gran investigadora" e catedrática, ademais do decanato.