Concello de Vigo Vigo org
Xornalxornal.vigo.org
  


Noticias da semana

Suscribirse


 
xoves, 30 de xaneiro de 2014

Imprimir | Enviar | | Compartir:  


O alcalde subliña que o índice de satisfacción coa seguridade cidadá en Vigo acada o 98%

Así o salienta Caballero dun estudo elaborado polo Valedor do Cidadá, Luis Espada, sobre 2.000 enquisas realizadas na cidade. O índice de satisfacción vigués supera á de urbes como Barcelona, Madrid, Oviedo, Málaga, Munich, Estocolmo ou Zurich.




O alcalde e o Valedor presentaron o libro "Seguridade Cidadá. Aplicación ao municipio de Vigo e perspectiva comparada" xunto ao comisario xefe da Policía Nacional, Ángel González, ao inspector xefe da comisaría de Vigo, Emilio Fernández, e o máximo responsable da Policía Local, Francisco Martínez Muñoz.

A principal conclusión do estudo indica que o vigués manifesta en xeral un alto grao de satisfacción na seguridade cidadá na súa zona de residencia, cun porcentaxe de satisfeitos ou moi satisfeitos do 98% dos enquisados. O Valedor indicou que a media europea é do 75% segundo un estudo de 2012 e Vigo supera a cidades como Barcelona, Madrid, Oviedo, Málaga, Munich, Estocolmo ou Zurich, entre outras.

Os vigueses valoran positivamente a eficacia de todas as forzas de seguridade, tanto a Guardia Civil como as policías Local, Autonómica e Nacional. En temas relacionados con atención a vítimas e prestación de auxilio en caso de necesidade, o cidadán vigués acude como primeira opción á Policía Local. As causas xerais indicadas polos vigueses da delicuencia na cidade son a pobreza e a desigualdade social (55%), a dureza das penas (34%) e o desemprego (31%).

O traballo de Espada tamén incluíu un apartado para a evolución nos últimos 5 anos dos servizos públicos. A sensación casi unánime entre os participantes é que empeorou notablemente a sanidade pública, a educación pública, as pensións, a xustiza, as entidades bancarias e os servizos sociais asistenciais.
Mais noticias
Caballero convoca a responsables políticos e axentes sociais de toda a área para analizar o mapa sanitario de Vigo
O Concello arrancará antes dun mes máis dunha veintena de humanizacións no centro e nas parroquias
Caballero salienta a calidade dos músicos que participarán no Sinfónico de Primavera da Orquestra Vigo 430
O alcalde cualifica de "histórico" o apoio que recibiu o atletismo de Vigo no 2013
Este venres no MARCO proxección de Robinson in Ruins, de Patrick Keiller
Xunta de Goberno Local
Consello da Xerencia Municipal de Urbanismo


Volver á portada

© Gabinete de Prensa - Concello de Vigo 2003