Noticias

		venres, 30 de outubro de 2009 Imprimir | Enviar | Escoitar O CAT organiza o "IV Seminario Galego de Etnografía" O CAT- Centro de Artesanía Tradicional- dependente da concellería de Patrimonio Histórico organiza o "IV Seminario Galego de Etnografía" co título "Galegos e portugueses. Miradas antropolóxicas cruzadas" que se celebra no Museo do Mar de Galicia os días 7,13,14,21 e 28 de novembro.O Seminario Galego de Etnografía é unha das actividades formativas que organiza anualmente o CAT dende 2006 dentro do seu programa de protección, recuperación e difusión do patrimonio etnográfico galego. Para esta IV edición, cun formato de conferencias, 8 antropólogos de Galicia e Portugal achegarán aos participantes os seus traballos de investigación sobre as pluralidades das identidades e identificacións galegas e portuguesas. A proposta ten como base a experiencia de cooperación en rede entre as universidades galegas e do Norte de Portugal nas cales a antropoloxía ten un papel fundamental no ensino e na investigación. O seminario quere continuar a construír un xogo de espellos reflexivos que nos axude a entender mellor quen somos e a onde vamos. As relacións transfronterizas e as transnacionais entre a Galiza e Portugal son unha realidade histórica sobre a que convén pensar antropolóxicamente. A situación de Vigo neste contexto é de liderazgo nas relacións co Norte de Portugal, o que fai da cidade un ambiente humano moi interesado en coñecer o traballo que os antropólogos fixeran e están a facer neste sentido. Paralelamente, como experiencia práctica desas relacións seculares, os participantes poderán contar cun exemplo de carácter antropolóxico. O único cesteiro en activo da cidade, terceira xeración dunha tradición secular con moitas conexións entre Galicia e Portugal, mostrará en vivo a través dun obradoiro todo o saber tradicional dunha familia de cesteiros de orixen portugués instalados en Vigo dende 1905. Asimesmo, o CAT, introducirá aos participantes no universo dos obxectos creados polos artesáns de Galicia mediante unha visita guiada as coleccións de oficios tradicionais do CAT e coa proxección do documental "Os cestos de mar de Vigo". INFORMACIÓN XERAL  O Seminario é gratuíto.  O número de prazas está limitado a 100, e 50 delas están reservadas para estudiantes universitarios. Senón se cubrisen as mesmas, quedarán abertas para todo o público.  O prazo de inscrición remata o día 5 de novembro.  Dado que as prazas para participar no seminario son limitadas, será necesario inscribirse previamente, establecéndose unha rigorosa orde de entrada das solicitudes.  A inscrición farase cubrindo os datos do boletín, remitíndoo ao CAT Centro de Artesanía Tradicional de Vigo / Rúa Subida ao Castelo /10 36202 VIGO, por fax ao número 986 224 003, ou a través da WEB www.vigo.org/artesania  Emitirase dous tipos de certificados: 1 por 16 horas lectivas para público en xeral; e outro, de 20 horas lectivas, para os estudiantes universitarios das Facultades de Ciencias da Educación de Ourense e Pontevedra e a de Historia de Ourense, que contará co recoñecemento de 1 crédito de libre configuración pola Universidade de Vigo.  A actividade do día 13 está só reservada para os estudantes universitarios para a obtención do crédito de libre configuración.  Máis información nos tf. 986 227 424 / 986 220 758 de 10 a 14 h de luns a venres e na WEB www.vigo.org/artesania.  Os participantes no Seminario terán a súa disposición un menú especial de 12 € no Restaurante O Croque, situado no Museo do Mar de Galicia (Av. Atlántida, 160. Vigo)		O tenente de alcalde da dez días de prazo aos donos do edificio da rúa Real para demolelo ou actuará o Concello O Casco Vello terá unha brigada de mantemento O Concello recupera 47 lavadeiros Xesus López di que a actuación de Fito & Fitipaldis do 21 de novembro se suma aos concertos inolvidables do 2009 O tenente de alcalde inaugura Expogalaecia co obxectivo de que se convirta na feira de turismo referente de Galiza Exposición de fotografía "Un paseo pola cultura tibetana" Peche ao tráfico da rúa Marín Sentidos únicos de diversas rúas

		Volver á portada
		© Gabinete de Prensa - Concello de Vigo 2003