mércores, 30 outubro 2019

O Pleno aproba unha modificación orzamentaria de 1,5 millóns para adquirir os terreos do futuro pavillón de Matamá

O edil de Facenda defendeu esta mañá unha modificación orzamentaria de 1,5 millóns que se usarán para comprar os terreos nos que se vai construír o pavillón de Matamá e para avanzar no Vigo Vertical. As partidas modificadas proceden, entre outras, de baixas nos contratos de asfaltados así como dun reaxuste dos prazos das obras dos accesos da estación do AVE, polo que non se produce menoscabo de ningunha actuación prevista.

A unanimidade dos grupos modifica a ordenanza que grava ás empresas de telecomunicación a ocupación de dominio público

mércores, 30 out 2019

Todos os grupos apoiaron esta mañá unha modificación do artigo 4.5 da ordenanza 30 para garantir e dar seguridade na recadación das taxas das empresas de telecomunicacións pola ocupación de dominio público. O Concello viña gañando nos tribunais aos intentos das compañías de non abonar estes importes e as sentenzas das diferentes instancais non so referendan a posición do goberno local senón que dan argumentos adicionais que agora se plasman na ordenanza.