Abel Caballero presentou a programación para o próximo venres, noite que prolonga a apertura dos museos de Vigo ata as dúas da mañá, e invitou á cidadanía a gozar das actividades, todas gratuítas. Serán máis de 40 visitas guiadas, lúdicas, con representacións e obradoiros, unha ducia de concertos musicais, 12 puntos de actividade, exposicións permanentes e temporais.
O alcalde vén de anunciar a celebración de diferentes actividades para os cativos en Samil, Bouzas, Navia, Praza da Independencia e O Calvario onde poderán participar nos espectáculos de maxia e circo, en obradoiros creativos e gozar de animación na rúa.
Con apertura de portas á platea ás 19:30h, Furious Monkey House abrirá o concerto ás 20h e Xoel López subirá ao escenario vigués ás 21h. Vetusta Morla arrancará a súa actuación ás 22:40h. O público asistente á zona de platea poderá solicitar unha pulseira para entrar y saír libremente do recinto durante as máis de catro horas de música en Castrelos.
Abel Caballero apela á colaboración cidadá ante a afectación que terá no tráfico este evento excepcional que se celebra o domingo e que supoñerá o corte do tráfico en superficie na rúa Cánovas del Castillo desde as 16:30 horas da tarde.
Abel Caballero mantivo un encontro este venres co conselleiro delegado de Legálitas, Luis del Pozo, e coa delegada en Galicia, Elena Villamarín, que prevén abrir proximamente unha sucursal en Vigo, que permitirá realizar a contratación de 50 profesionais do dereito "unha xeración de emprego significativa", segundo salientou o rexedor, que outorga "valor engadido" á súa implantación na cidade.