O alcalde visitou este luns a rúa Carral, na que se substituíu o empedrado por asfalto, dadas as deficiencias detectadas e o ruído que provocaba. Amais, a Xunta de Goberno aprobou a adxudicación dos materiais para instalacións deportivas e o mantemento dos centros municipais de distrito.
O alcalde de Vigo avanzou esta mañá que os concertos gratuítos de Castrelos "están a bater todos os récords posibles" de asistencia, tal e como demostra o feito de que se venderan localidades de todas as actuacións -excepto dunha -con niveis de afluencia "incontrovertidos". Hoxe continúa a programación coa presencia do ex vocalista de Supertramp, Roger Hodgson.
Así o indicou este luns o delegado do Pobo Saharauí en Galicia, durante o tradicional acto de recepción que ofrece o Concello e o alcalde, Abel Caballero, ás familias viguesas acolledoras e aos 82 nenos e nenas saharauís dos campamentos de refuxiados de Tinduf, que pasan en Vigo o verán.
O reitor da Universidade de Vigo, Manuel Reigosa lerá o bando do Día de Galicia en Vigo, nun acto que o Concello organiza mañá martes ás 21 horas nos xardíns do Pazo de Castrelos con entrada libre para tódalas persoas que queiran sumarse. "Rompemos a tradición antiga e entra todo aquel que queira", apuntou Abel Caballero, que reiterou o seu convite "a toda a cidade" a participar desta celebración que contará tamén cunha actuación musical.