O alcalde de Vigo comprometeuse hoxe venres co profesorado e cos pais do colexio Párroco Don Camilo a estudar a posibilidade de abrir un acceso pola parte de abaixo do centro educativo. Deste xeito, os douscentos escolares evitarían o tráfico rodado da estrada na que está situada na entrada nestes momentos.
Tras o "gran éxito" acadado onte en FITUR, este venres o alcalde avanzou que a próxima semana se contratará a elaboración do primeiro documento para a presentación oficial da candidatura das Illas Cíes a Patrimonio da Humanidade. "Todo sinala que o imos conseguir", valorou Caballero.
O alcalde informou este venres da aprobación da convocatoria de selección dos beneficiarios do plan municipal "Vigo Emprega", que, na súa primeira quenda, contratará a 128 profesionais -de colectivos con difícil inserción laboral- para realizar traballos na cidade.
Desde o venres 3 de febreiro ata o 30 de abril, o Concello programará 25 espectáculos diferentes e 29 funcións no Auditorio Municipal, dentro do cartel de Vigocultura. Serán 24 grupos artísticos os que ofertarán propostas para todo tipo de público.
Unha representación do Baloncesto Feminino Rodaballo foi recibida hoxe venres por Abel Caballero e Manel Fernández. Alcalde e concelleiro de Deportes fixéronlles entrega das tres novas equipacións e bolsas de deporte para o equipo que reúne a históricas xogadoras desta modalidade na cidade.