mércores, 9 setembro 2015

Caballero fará "todo o que haxa que facer" para favorecer aos enfermos, ás familias e ao persoal no uso do hospital

Nun encontro mantido este mércores no Concello con representantes da xunta de persoal do CHUVI, o alcalde asume a responsabilidade de mellorar a situación de uso do hospital e solicítalle ao presidente Feijóo que "hoxe mesmo tome a decisión de facer gratuíto o aparcamento do novo hospital". Ademáis considera que é necesario que se paralice de xeito inmediato a instalación do laboratorio de referencia no Meixoeiro para situalo en Beade.

Ryanair propón unir Vigo con Dublín, Boloña, Edimburgo e Milán no concurso de promoción turística do Concello

mércores, 9 set 2015

Este mércores abriuse a oferta que a aeroliña irlandesa -a única que optou- presentou ao concurso de promoción turística do Concello de Vigo, e que uniría a cidade con Dublín e Boloña desde abril a outubro de 2016 e sumaría Edimburgo e Milán-Bérgamo desde 2017 e para 2018. Segundo revelou Abel Caballero, Ryanair, que incorporaría tamén unha conexión diaria con Barcelona, rebaixou en case medio millón de euros o prezo de saúda do concurso.

O alcalde invita á cidadanía a celebrar o pasado romano da cidade no Vicus Spacorum en Navia

mércores, 9 set 2015

A recreación do pasado romano da cidade celébrase esta fin de semana do 12 e 13 de setembro cunha festa organizada pola Asociación de Comerciantes de Navia. Abel Caballero presentou este mércores a cuarta edición do evento, que conta co patrocinio do Concello, e no que haberá novidades como a aparición dos castrexos nun programa renovado e cun emprazamento distinto que quere "facer festa e facer cultura".

O goberno local dota de xogos aos parques infantís de Teixugueiras, Navia e Praza da Independencia

mércores, 9 set 2015

O alcalde informou dos acordos adoptados na Xunta de Goberno Local extraordinaria deste mércores na que se aprobou o Plan de seguridade e saúde que inclúe a instalación de elementos para os máis cativos nos parques e na que se deu luz verde ao expediente de adquisición de 1.600 entradas para os partidos do Celta en Balaídos, que o Concello entrega a escolares, voluntarios e colectivos desfavorecidos por un valor de 153.000 euros.