Os traballos de mellora dos acceso a Navia desde a VG-20 arrancarán "de xeito inmediato", segundo avanzou hoxe o alcalde, nunha rolda de prensa na que tamén anunciou a aprobación do proxecto da primeira fase da humanización da rúa Rosalía de Castro.
Abel Caballero sumouse hoxe "ao esforzo" dos hosteleiros do Casco Vello por recuperar esta zona da cidade. Así o dixo na presentación da oitava edición do Concurso de tapas do Casco Vello, na que este ano participan desde hoxe 25 locais.
Abel Caballero avanzou a achega de máis de 300.000 euros para 40 colectivos veciñais e culturais. A Xunta de Goberno tamén deu luz verde ás bases de selección de persoal que permitirán contratar a 10 mulleres vítimas de malos tratos durante un ano.
Abel Caballero, acompañado polo concelleiro de Parques e Xardíns e técnicos municipais, presenciou esta mañá a retirada de gallos do olivo do Paseo de Alfonso que serán tratados en Córdoba para entregar, como o ano pasado, aos galardoados como vigueses distinguidos. Por outra banda, os técnicos forestais valoran a posiblidade de ampliar o alcorque para que o olivo dispoña de máis osixenación. O goberno local practica ao olivo do Paseo de Alfonso tomografías anuais para controlar o bo estado de conservación da árbore.
A Biblioteca Pública Central de Vigo (r/ Joaquín Yáñez, 6) permanecerá pechada, por motivos de seguridade, os días 5 e 7 de outubro, debido aos labores de desratización, desinfección e desinsectación, levados a cabo pola Consellería de Cultura, Educación e Ordenación Universitaria. O martes día 8, a biblioteca xa funcionará con normalidade.