<br /> O alcalde de Vigo recibiu hoxe luns esta "magnífica nova" tras terse asinado o convenio na Alcaldía entre o Instituto Feiral de Vigo e o aeroporto de Vigo. Segundo explicou Caballero, o novo aparcamento de Peinador reservará 600 prazas -ampliables a 900, dependendo da demanda- para uso do recinto feiral, resolvendo así "un dos grandes problemas" do IFEVI.
Abel Caballero certificou hoxe luns "Vigo vai ter albergue" ben no edificio da antiga Escola de Hostelería, ben en Marqués de Valterra, proposto polos Misioneros do Silencio este pasado fin de semana. Os traballos de adaptación do inmoble do Berbés continuarán segundo o plan previsto, ao ser "imprescindibles" para acoller calquera uso municipal.
O alcalde de Vigo, Abel Caballero, mantivo hoxe luns un encontro cun grupo de efectivos da Policía Local que realizan escalada, dentro do programa "Vigo en las auturas". Os membros deste grupo compartiron co rexedor as súas experiencias na montaña e recordaron o seu ascenso ao Atlas, no que fixeron os tres catro miles (segundo pico máis alto de África) e nos Andes, no cerro Plata, un pico de 6.050 metros, nos que colocaron a bandeira de Vigo. Tamén lle transmitiron a súa intención de coronar algún pico do Nepal.
Abel Caballero subliñou hoxe luns que todos os informes revelan que Vigo é unha das cidades máis seguras e con menor número de delitos de toda España. Así o indicou durante a celebración do Día da Policía Nacional, nun acto no que felicitou á Policía Nacional pola "importante labor que desempeña", animándoa a seguir a traballar "non só pola seguridade, senón tamén en defensa do estado de dereito".