Laura López Atrio asegurou este martes que a demanda para uso dos comedores escolares está a aumentar e oito colexios públicos xa están saturados e non asumen máis nenos. A edil instou á Xunta de Galicia a exercer as súas competencias educativas na cidade e adiantou que o Concello ampliará os comedores de non facelo o goberno autonómico.
A concelleira de Sanidade, Chus Lago, presentou este martes unha nova edición do Plan Saúde, na procura de achegar os hábitos de vida saudables á cidadanía viguesa. A iniciativa retoma as actividades nas asociacións, nos parques biosaudables e as rutas urbanas con técnicos do INEF, e editará asemade unha guía de hábitos saudables que incorpora catro novos percorridos polas praias.
O tenente de alcalde, Santi Domínguez, analizou hoxe con representantes da directiva da Asociación de Veciños de A Miñoca o proxecto do novo local social que demanda a entidade veciñal. O concelleiro recoñeceu a necesidade de que esa zona da cidade dispoña dun espazo axeitado para desenvolver as súas actividades e comprometeuse a estudar a súa execución.