A Xunta de Goberno Local aprobou inicialmente hoxe luns a declaración de zona protexida do entorno do Berbés, que inicia así a súa tramitación administrativa para estar en vigor aproximadamente "a finais de setembro". O Berbés será a segunda zona libre do chamado botellón, despois da protección de Loriga que "está a funcionar francamente ben", salientou Abel Caballero.
O alcalde valorou positivamente esta conexión, cuxo proxecto está xa en fase de exposición pública, e que está chamado a converterse no "gran nó de comunicacións do sur de Galicia", pois conectará no futuro coas novas autovías a O Porriño e Pontevedra. O trazado suporá a eliminación de 90 aparcamentos no IFEVI pero abre un espazo para novas prazas maior ás que suprime.
O tenente de alcalde, Santi Domínguez, o concelleiro de Cultura, Xesus López, e o director da Obra Social de Caixanova, Guillermo Brea, presentaron hoxe o programa das festas 2009, no que destaca a existencia de grandes concertos (Leonard Cohen, Keane, Carlos Baute+Marta Sánchez, Los Secretos, la Oreja de Van Goh, Ainhoa Arteta, Fuxan os Ventos, Coti, Melendi, Mala Rodríguez…) así como a diversidade de actividades para todas as idades e tendencias.
O alcalde, Abel Caballero, o presidente de Caixanova, Julio Fernández Gayoso, e o organizador do evento, Pablo González, presentaron este luns o Festival Aéreo Internacional de Vigo 2009, que celébrase o vindeiro domingo e procura ser "referente en España e Europa". O Concello agarda a visita de 350.000 persoas pola presenza de buques da Armada e avións inéditos en España.
A Unidade Medioambiental de Intervención Rápida da Policía Local de Vigo rescatou onte domingo na praia de Samil a unha cria de bufo que caera do seu niño e aínda non tiña idade para voar pola súa conta. Seguindo o protocolo establecido, o animal foi entregado ao Centro de Recuperación de Fauna Salvaxe de Cotorredondo en bo estado.