O concelleiro de Goberno Municipal, Carlos Font, pedíu este martes ao organismo provincial que defina os seus "investimentos reais e concretos" na cidade, para o que solicita que se formalice un convenio entre o Concello de Vigo e a Deputación de Pontevedra que recolla as actuacións proxectadas, en aras da "transparencia" e a "lealtade institucional".
34 centros de ensino público da cidade e case 4.000 escolares participan na iniciativa didáctica "VIGO ACTIVITIES" do Servizo Municipal de Educación que dirixe a concelleira Laura López Atrio. A proposta didáctica levase a cabo ata o mes de xuño e oferta unha programación específica que inclúe distintas actividades de promoción, reforzo e mellora da lingua inglesa.
Vigo recibe esta fin de semana dous Campionatos de España Universitarios, as competicións de vela e taekwondo, cunha enorme participación, dentro do pulo que a candidatura viguesa pretende para organizar a Universiada de 2013. Os torneos presentaronse hoxe martes no edificio Miralles, do campus das Lagoas-Marcosende, con asistencia da vicerreitora de Extensión Cultural e Estudantes, María del Carmen Cabeza, o concelleiro de Deportes, Xabier Alonso, os presidentes das federacións galegas de taekwondo,Merce Barrientos e vela,José Anxo Rodríguez e o vicepresidente do Club Náutico Punta Lagoa, Estanislao Durán.