O noveno Encontro Sindical de Mulleres terá lugar mañá no salón de actos do Hotel Lisboa. Os temas principais que se tratarán serán a prevención de riscos, as condicións laborais nos sectores máis feminizados e a lexislación vixente nos períodos de xestación e lactancia.
Cinco fotógrafos galegos mostran a súa visión do Camiño acompañados e guiados polas letras de catro escritoras galegas. Natureza e arte conxúganse maxistralmente nos traballos dos artistas para pór de manifesto os múltiples significados da cultura xacobea.
Tras rematar o período de prácticas do curso desenvolvido pola Cooperativa Algalia en colaboración coa concellería de Benestar Social, o balance non pode ser máis positivo. De feito, o bo resultado fai pensar en novas iniciativas centradas na promoción da saúde na nosa cidade, como as Unidades de Promoción da Saúde.
Convócase o Consello da Xerencia Municipal de Urbanismo para sesión ordinaria na sala de reunións da sede da Xerencia, o día 04 de novembro de 2004, ás 9,30 horas en primeira convocatoria e media hora máis tarde en segunda.