O programa "Camiña e coñece" achéganos, esta vez, ao Parque Lineal do Río Lagares<br />
O tenente de alcalde, Santi Doínguez, o concelleiro de Cutura e Animación Sociocultural, Xesús López, e o concelleiro de Deportes, Xabier Alonso, presentaron este xoves no Concello unha nova actividade do programa "Camiña e coñece". Nesta actividade faise un percorrido cultural-ambiental a pé pola senda do río Lagares que terá lugar o vindeiro domingo día 16 de setembro.
A oferta do programa "Camiña e coñece" é unha iniciativa que pretende difundir o patrimonio cultural do Concello de Vigo a través de itinerarios guiados, á vez que se fomentan hábitos saudables e deportivos, de práctica sinxela e extensiva ao conxunto da poboación, como poden ser camiñar ou andar en bicicleta. Por outra banda, tamén se procura que a cidadanía participe en accións cívicas e de socialización, especialmente as vencelladas á identidade coa cidade e co municipio.
Despois do éxito alcanzado pola primeira das actividades do programa, que se desenvolveu no Centro de Vigo, particularmente no Casco Vello, ponse en marcha unha segunda actividade. Esta actividade, a diferencia da primeira que tiña que ver con lembrar e coñecer a historia da cidade, pretende amosarlle aos vigueses e viguesas o entorno natural da cidade onde viven mediante un percorrido cultural-ambiental a pé pola senda do río Lagares.
Este percorrido terá lugar o vindeiro domingo 16 de setembro con saída dende a ponte de Samil, na desembocadura do río Lagares, ás 10:30 horas. As explicacións do itinerario correrán da conta de Alberto Gil Carrera, un especialista en xestión de humedais que é consultor ambiental da empresa Escoplanin e que está moi vinculado ao grupo Erva. O percorrido, que ten unha duración aproximada de 3 horas e media, alternará camiñatas con paradas para explicacións e para descansos. Ao remate desta actividade, na Avenida de Madrid, a empresa Vitrasa porá a disposición dos visitantes un autobús, para facilitarlles o retorno, con paradas na Praza de España, Praza de América, Aenida Castelao e ponte de Samil.
Aquelas persoas que decidan facer o percorrido deberán levar calzado e roupa cómoda , acordes co tempo e, ademáis, deben de saber que a participación é totalmente gratuíta, sen necesidade de inscripción previa, e aberta a persoas de todas as idades.
Despois do éxito alcanzado pola primeira das actividades do programa, que se desenvolveu no Centro de Vigo, particularmente no Casco Vello, ponse en marcha unha segunda actividade. Esta actividade, a diferencia da primeira que tiña que ver con lembrar e coñecer a historia da cidade, pretende amosarlle aos vigueses e viguesas o entorno natural da cidade onde viven mediante un percorrido cultural-ambiental a pé pola senda do río Lagares.
Este percorrido terá lugar o vindeiro domingo 16 de setembro con saída dende a ponte de Samil, na desembocadura do río Lagares, ás 10:30 horas. As explicacións do itinerario correrán da conta de Alberto Gil Carrera, un especialista en xestión de humedais que é consultor ambiental da empresa Escoplanin e que está moi vinculado ao grupo Erva. O percorrido, que ten unha duración aproximada de 3 horas e media, alternará camiñatas con paradas para explicacións e para descansos. Ao remate desta actividade, na Avenida de Madrid, a empresa Vitrasa porá a disposición dos visitantes un autobús, para facilitarlles o retorno, con paradas na Praza de España, Praza de América, Aenida Castelao e ponte de Samil.
Aquelas persoas que decidan facer o percorrido deberán levar calzado e roupa cómoda , acordes co tempo e, ademáis, deben de saber que a participación é totalmente gratuíta, sen necesidade de inscripción previa, e aberta a persoas de todas as idades.
