O alcalde, Abel Caballero, e a concelleira de Educación, Laura López Atrio, asistiron este mércores a inauguración do curso escolar 2007/2008 de tres centros educativos de Vigo: Colexio Público Balaídos, Colexio Público Monte da Guía e Escuelas Nieto.
O Concello iniciou o pago das subvencións concedidas para a rehabilitación de vivendas no Casco Vello e en Bouzas que estaban pendentes. O proceso iniciouse a finais do mes de agosto e nestes dúas semanas repartíronse 34 axudas por un total de 216.477 euros.
A aplicación das novidades incluídas na nova concesión do servizo público de estacionamento XER será gradual, segundo adiantou este martes o concelleiro de Mobilidade, Transporte e Seguridade, Xulio Calviño. A principal acción neste sentido consistirá na instalación de 40 novos expendedores a partir da primeira semana de novembro.