Alcampo contratará cando menos a dez alumnos dun curso de formación promovido polo Concello
Vinte persoas desempregadas participarán desde hoxe xoves ata o 9 de xuño nun curso de azafato/a de gran superficie que se desenvolverá na empresa Alcampo, dentro do "Programa de formación en empresas con compromiso de contratación" do Plan Municipal de Emprego 2004-2007.
Para o deseño deste curso tivéronse en conta os intereses formativos manifestados polas persoas usuarias do Servizo de Orientación Laboral do Concello e as necesidades detectadas no mercado de traballo.
Os 20 alumnos do curso seleccionáronse entre as persoas entrevistadas polo Servizo de Orientación Laboral que tivesen realizado cursos de formación ocupacional. Alcampo asume a contratación do 50% do alumnado que remate satisfactoriamente o curso por un período non inferior a tres meses.
O orzamento deste curso é de case 3.000 euros, e nel inclúense todos os gastos desta acción formativa, como son o persoal docente, o material e o seguro do alumnado.
A formación ocupacional con este tipo de actuacións realízase nun ámbito produtivo real, que é a empresa, onde os alumnos poden observar e desempeñar as actividades e funcións propias dos distintos postos de traballo, coñecer as relacións laborais e a organización dos procesos produtivos.
A concelleira de Desenvolvemento Local e Emprego, Lucía Molares, asinou hoxe xoves o convenio que materializa a colaboración con Alcampo para a realización deste curso.
Descargar todas as imaxes
Os 20 alumnos do curso seleccionáronse entre as persoas entrevistadas polo Servizo de Orientación Laboral que tivesen realizado cursos de formación ocupacional. Alcampo asume a contratación do 50% do alumnado que remate satisfactoriamente o curso por un período non inferior a tres meses.
O orzamento deste curso é de case 3.000 euros, e nel inclúense todos os gastos desta acción formativa, como son o persoal docente, o material e o seguro do alumnado.
A formación ocupacional con este tipo de actuacións realízase nun ámbito produtivo real, que é a empresa, onde os alumnos poden observar e desempeñar as actividades e funcións propias dos distintos postos de traballo, coñecer as relacións laborais e a organización dos procesos produtivos.
A concelleira de Desenvolvemento Local e Emprego, Lucía Molares, asinou hoxe xoves o convenio que materializa a colaboración con Alcampo para a realización deste curso.