Corina Porro e Celso Currás visitan as novas instalacións do colexio "Doutor Fleming"
A alcaldesa, Corina Porro, e o conselleiro de Educación e Ordenación Universitaria, Celso Currás, desprazáronse ata o novo edificio do CEP "Doutor Fleming" para coñeceren de preto estas instalacións, que albergan 24 unidades de Educación Primaria.
Corina Porro dixo durante a súa visita que "hoxe recuperamos un espazo educativo que forma parte da memoria da cidade". Segundo a alcaldesa, este espazo "convértese nun centro práctico e moderno, fermoso e vivo", polo que "ha de ser un dos símbolos de Vigo nesta nova etapa da cidade".
As obras neste centro educativo deron como resultado un novo colexio con catro andares. No baixo, entre outras dependencias, está a biblioteca, as aulas de informática e música, o ximnasio, os vestiarios, a vivenda do conserxe e diversos cuartos de mantemento e limpeza.
No primeiro andar están os despachos de administración, do director, das APAS e a xefatura de estudos, así como a sala de profesores e a de usos múltiples, o comedor, a cociña e diversos almacéns.
O segundo e o terceiro andar están orientados ás clases. No segundo andar hai 17 aulas, mentres que no terceiro se sitúan outras 15, ademais da saña de titorías e o departamento de orientación. En todos os andares hai un vestíbulo e aseos. En total, construíronse 4.575,15 metros cadrados, dos que 4.026,60 metros cadrados son superficie útil.
Estas obras supuxeron un investimento por parte da Consellería de Educación e Ordenación Universitaria de 3.404.506,21 euros, dos cales 123.015 euros foron destinados a dotar o novo centro do equipamento máis axeitado.
Na actualidade, no CEP "Doutor Fleming", que conta cun persoal de 33 docentes, hai matriculados 479 alumnos de Educación Primaria. Así mesmo, o colexio ten os servizos complementarios de comedor e transporte escolar, dos que fan uso 94 comensais e 328 usuarios, respectivamente.
As obras neste centro educativo deron como resultado un novo colexio con catro andares. No baixo, entre outras dependencias, está a biblioteca, as aulas de informática e música, o ximnasio, os vestiarios, a vivenda do conserxe e diversos cuartos de mantemento e limpeza.
No primeiro andar están os despachos de administración, do director, das APAS e a xefatura de estudos, así como a sala de profesores e a de usos múltiples, o comedor, a cociña e diversos almacéns.
O segundo e o terceiro andar están orientados ás clases. No segundo andar hai 17 aulas, mentres que no terceiro se sitúan outras 15, ademais da saña de titorías e o departamento de orientación. En todos os andares hai un vestíbulo e aseos. En total, construíronse 4.575,15 metros cadrados, dos que 4.026,60 metros cadrados son superficie útil.
Estas obras supuxeron un investimento por parte da Consellería de Educación e Ordenación Universitaria de 3.404.506,21 euros, dos cales 123.015 euros foron destinados a dotar o novo centro do equipamento máis axeitado.
Na actualidade, no CEP "Doutor Fleming", que conta cun persoal de 33 docentes, hai matriculados 479 alumnos de Educación Primaria. Así mesmo, o colexio ten os servizos complementarios de comedor e transporte escolar, dos que fan uso 94 comensais e 328 usuarios, respectivamente.
