Escoitar

Turismo promocionara a cidade en Berlín

Turismo promocionará a cidade de Vigo como destino turístico dende o día 11 e ata o vindeiro día 15 de marzo, nun dos salóns turísticos máis importantes do mundo, que se celebra en Berlín, no Parque de Exposicións "MESSE Berlín".

xoves, 10 mar 2005
1110460545logotipo.jpg
Con máis de 10.000 expositores de máis de 180 países, a ITB é unha cita obrigatoria porque é unha das feiras internacionais con maior participación, na que o 77% das empresas participantes son estranxeiras.

Turismo considera indispensable a asistencia a esta feira, xa que o mercado alemán é, xunto co Reino Unido, o primeiro mercado emisor de turistas a España. Según información aportada por Turespaña, o turista alemán demanda fundamentalmente natureza en estado puro, arquitectura, gastronomía, turismo de cidade e actividades vencelladas o deporte de natureza e aventura.

Galicia, Asturias, Cantabria e o País Vasco, son as comunidades que forman parte da marca "España Verde", que ten como principal mercado emisor Alemania.

A ITB é o foro idóneo para realizar esta promoción, xa que o número de vistantes profesionais que visitan o evento consolidouse na edición do 2004, superando os 65.000 visitantes, dos que 50.000 eran estranxeiros.

Vós de baixo custo

A Concelleira de Turismo, Lucía Molares, aproveitará esta cita na ITB de Berlín para manter unha reunión con directivos da empresa Hapag Lloyd Express, co obxecto de negociar a posible instalación no aeroporto de Vigo de vós de baixo custo.

Con este motivo, Turismo de Vigo elaborou un completo dossier sobre a cidade de Vigo e a súa área de influencia, que incorpora datos sobre actividade económico e características do aeroporto de Vigo, segundo foi demandado pola empresa.

Acudirán a esta cita, xunto coa Concelleira de Turismo, responsables de AENA, que colaborarán coa Concellería para realizar unha presentación máis completa sobre as instalacións aeroportuarias e facilitarán á empresa os datos sobre perfís e volumes de tránsito recentemente elaborado pola compañía, de modo que Hapag Lloyd poida valorar o interese de operar dende Peinador.

A empresa Hapag Lloyd Express ofrece vós a 17 destinos en cinco países de Europa. Os vós dende o seus centros de Colonia e Bonn diríxense na actualidade a Berlín e Hamburgo, así como ás cidades europeas de Milán, Venecia, Nápoles, Pisa, Londres-Luton, Manchester, Roma-Ciampino, Resu, Valencia, Madrid, Sevilla, Barcelona Marsella/Provenza e Olbia/Cerdeña. Os destinos dende o centro de Hannover son a Roma-Ciampino, Venecia e Niza, así como a Bilbao, Reus, Valencia, Catania, Milán-Orio al Serio, Nápoles, Olbia/Cerdeña e Pisa.
Descargar todas as imaxes