Deep Purple actuará no Auditorio de Castrelos o 2 de xullo
Abel Caballero anunciou a quinta confirmación para os concertos de Castrelos de 2026. A banda de rock británica chega a Vigo coa súa xira “Mad in Europe Tour”.
Deep Purple súmase ao programa Vigo en Festas e actuará no auditorio de Castrelos o xoves 2 de xullo. O alcalde anunciou a chegada á cidade “da gran banda británica de rock, con millóns e millóns de discos, seguidores e tantas cancións que nos acompañaron ao longo dos anos e que se re rememorarán no seu concerto en Vigo”.
A banda, fundada en 1968, rexistra 6,7 millóns de oíntes mensuais nas plataformas musicais. No ano 2016 ingresaron no museo Rock and Roll Hall of Fame, dedicado ao recordo e memoria dos artistas máis famosos e influíntes da industria musical a través do rock.
“Vai ser un concertazo”, afirmou Caballero. Coa súa xira “Mad in Europe Tour” volverán soar os éxitos “Smoke on the water”, “Highway star” ou “Child in time”.
Concertos Castrelos 2026
- Deep Purple – 2 de xullo
- Chayanne – 30 de xullo
- The Corrs – 11 de agosto
- Viva Suecia – 14 de agosto
- Iván Ferreiro – 15 de agosto