O estudantado goza das sesións "Isto non é un concerto!" dirixidas polo profesorado da Escola Municipal de Música
O alcalde animou aos 520 alumnos os CEIPs Vicente Risco, Virxe do Rocío, Canicouva, Atalaia Cantabria, Mariano Franciscanas, San Salvador, Otero Pedrayo, O Sello, Josefa Alonso, Seis do Nadal, Castelao, Coutada Beade e o CPR Barreiro, que participaron este mércores no concerto didáctico "Isto non é un concerto!", a cargo do profesorado da Escola Municipal de Música de Vigo, a gozar tanto da música como da aprendizaxe da interpretación dun instrumento. Os concertos didácticos que comezaron hoxe coa participación do estudantado de 3º,4º e 6º de Educación Primaria, prolongaranse os días 8, 12 e 13 de maio no Auditorio Municipal de Vigo.
