Castrelos inicia os concertos de verán con melloras en seguridade e comodidade para público e artistas
Abel Caballero apuntou este mércores que co concerto do próximo sábado 13 de xullo, de Dani Fernández, no auditorio de Castrelos comeza a temporada estival de 2024 cun recinto que conta con melloras “moi importantes”, tanto en comodidade como en seguridade para os artistas e para o público.
O “concertazo” de Dani Fernández terá lugar o próximo sábado nun Auditorio de Castrelos que este verán incorpora numerosas melloras en comodidade e seguridade en todo o recinto, tanto para o público como para os artistas.
O alcalde detallou hoxe que entre as obras xa realizadas atópanse as que afectan a todas as bancadas, así a como aos accesos á platea. A éstas suma a renovación dos aseos femininos e a instalación de varandas nos laterais das bancadas amais das actuacións de mellora executadas no escenario e nos camerinos.
“Melloras notables en todo o ámbito de Castrelos”, incidiu o rexedor ao sinalar que entre as intervencións máis importantes están “a consolidación e realce de todas as bancadas”. Lembrou que éstas contan cunha capacidade “moi importante”, xa que supera as 10.000 persoas “e queremos que estean nas mellores condicións”.