O TSXG confirma que O Porriño debe pagar 5,6 millóns pola auga que recibe de Vigo
O Tribunal Superior de Xustiza de Galicia volve darlle a razón ao Concello de Vigo na súa reclamación ao Concello do Porriño de 5,6 millóns polo pago da auga que recibe do embalse de Eiras. A sentenza rexeita todos os motivos de nulidade alegados polo municipio da Louriña sobre un acordo asinado en 1998 polo que Vigo lle facilitaba auga ao polígono da Granxa.
A resolución do TSXG desestima o recurso de apelación de O Porriño obrigándoo a pagar 5,6 millóns pola agua que recibe do embalse de Eiras. A sentenza, explicou o rexedor, ratifica a resolución de instancia que estableceu axeitado a dereito o acordo plenario do 28 de decembro de 2022 polo que se inadmitiu a trámite unha solicitude de revisión de oficio doutro acordo plenario de 1998. Este pacto determinaba a cantidade esixible por parte do Concello de Vigo ao de O Porriño pola utilización conxunta do canal e presa de Eiras.
O TSXG rexeita todos os motivos de nulidade que reiterou O Porriño na súa apelación e establece que o acordo de 1998 non afectou á autonomía local da administración apelante. Tal e como lembrou o rexedor, o municipio de A Louriña estivo facendo pagos durante algúns anos pero deixaron de facelos cando estiveron gobernados polo PP, optando pola vía xudicial. A orixe deste convenio foi que Vigo lle facilitara agua ao polígono de A Granxa.
A débeda de O Porriño co Concello de Vigo ascendía a 5.675.404,84 euros ata o peche do ano 2023.