Vigo lidera o ranking de cidades con maior nivel de inglés
O alcalde celebra que Vigo sexa a primeira cidade de España no coñecemento do inglés. Education First sitúa á cidade á cabeza, por riba da media do Estado, no coñecemento do idioma. Abel Caballero valorou positivamente que as novas xeracións sexan líderes na comunicación en inglés e puxo de manifesto a importancia que ten neste resultado que todos os nenos e nenas de Vigo gocen do programa municipal “Vigo en inglés” de inmersión lingüística no estranxeiro. “É importantísimo para o emprego, a economía e as relacións internacionais comerciais de Vigo”, afirmou.
