O alcalde reúnese con Enrique Lorenzo, presidente de Acopovi
Abel Caballero mantivo un encontro este martes con Enrique Lorenzo, presidente da Asociación de Corais Polifónicas de Vigo, e da Federación de Bandas de Música da cidade, dúas entidades con “grande presenza en Vigo” xa que o apoio municipal, cunha subvención superior aos 400.000 euros, “permite que os concertos estean proliferando por toda a cidade”, segundo sinalou o rexedor. As bandas de música viguesas ofrecerán durante este mes de setembro concertos os sábados en Teis, diante do mercado, e os domingos, ás 12:30 horas, na Praza da Independencia e ás 19:00 horas no auditorio exterior de Castrelos.
