Alberto Carballo Acuña, novo Intendente da Policía Local
O relevo no cargo prodúcese logo da vacante que deixa a xubilación de Francisco Muñoz, que levaba máis de dez anos desempeñando o posto e facendo un “traballo excepcional”, en palabras do rexedor.
![O rexedor en rolda de prensa](https://xornal.vigo.org/storage/images/opt/VfeNz3vqoxP5ZMey7eEhxWMGC1KgSMyijJlHGfDN.jpeg)
Abel Caballero informou este martes do nomeamento como novo Intendente da Policía Local de Vigo de Alberto Carballo Acuña, un “home de traxectoria profesional extraordinaria, con capacitación profesional” para desenvolver o labor de Intendente e cun “traballo excepcional durante o seu exercicio como número dous da Policía Local”,
Tal e como apuntou, a Lei sinala que o nomeamento definitivo debe efectuarse a través dun concurso público que se celebrará antes dun ano.
O rexedor felicitou publicamente a Francisco Muñoz, que levaba sendo o Intendente máis 10 anos durante os que fixo un “traballo excepcional coa súa proxección e forma de entender o funcionamento da Policía Local” e cualificouno como “un bo amigo da cidade, gran vigués, gran Intendente e gran profesional da Policía Local” durante o seu tempo ao mando do Corpo.