O goberno de Vigo incorpora 45,8 millóns ás contas deste ano e eleva o investimento aos 115 millóns

Rúbrica do alcalde para integrar 45,8 millóns de euros no gasto da administración municipal de Vigo. Caballero trasladou que vén de asinar este luns o expediente para modificar o orzamento do Concello deste 2022, dotando de recursos económicos a máis de sesenta actuacións. “Acabo de firmar a incorporación de financiamento para inversións na cidade por valor de 45,8 millóns”, subliñou.

En rolda de prensa, o rexedor deu lectura a todos os conceptos incluídos na proposta, na súa gran maioría investimentos das áreas de Fomento, mais tamén figuran accións no eido deportivo, educativo, cultural, de xardíns, transporte e patrimonio. Do total, Caballero puxo o énfase nas humanizacións, nas nove obras do Vigo Vertical recollidas, no plan de eficiencia enerxética, nos campos de fútbol, na bancada de Marcador, nas festas da cidade e nas axudas de inglés para que este ano poidan viaxar as xeracións de alumnado de Secundaria correspondentes ao 2020, 2021 e 2022.

As achegas procedentes do aforro municipal, unidas aos 40 millóns en investimentos rexistrados no orzamento do Concello deste exercicio, eleva a inversión por riba dos cen millóns, a expensas dos recursos que poidan captarse de Europa. “Este ano estaremos investindo na cidade 115 millóns de euros, sen incluír proxectos europeos. Isto non sucedeu nunca na historia da cidade. É unha cantidade de investimento inimaxinable en ningún momento, porque imos irnos a preto de 140 millóns de euros de investimento”, salientou Caballero.

Listado completo:

-asfaltado rúa Marín: 18.930 euros

-redacción de proxectos de novas humanizacións: 25.530 euros

-Vía Garrida-Beade: 370.000 euros

-Liquidación Ronda don Bosco: 25.000 euros

-Liquidación obras de Serafín Avendaño, entre Rosalía e Areal: 122.000 euros

-Cuberta e protección do tranvía da Avenida de Castelao: 177.770 euros

-Humanización Tercio de Afora: 299.020 euros

-Humanización García Barbón, entre Rosalía de Castro e Isaac Peral: 414.640 euros

-Biondas para motos: 71.700 euros

-1ª anualidade ascensor HALO García Barbón-Vía Norte: 5 millóns

-Liquidación Humanización rúa Troncoso: 66.150 euros

-2ª fase de Vía Verde: 1.945.150 euros

-Obras de mellora do túnel de Beiramar: 1.392.380 euros

-Liquidación mellora de Camiño do Laranxo: 49.800 euros

-Seguridad e pavimentación Estrada Clara Campoamor: 463.000 euros

-Humanización Camiño da Brea: 156.520 euros

-Humanización Costa da Gándara: 137.100 euros

-Humanización Praza da Feira: 70.470 euros

-Humanización rúa dos Fontáns: 53.930 euros

-Liquidación humanización rúa dos Curros: 64.480 euros

-Liquidación Humanización rúa Subride: 13.200 euros

-Liquidación Humanización rúa dos Foxos: 3.910 euros

-Liquidación Humanización Rosal Florido: 5.500 euros

-Liquidación Humanización Areeiro: 18.150 euros

-Humanización Purificación Saavedra, fase 2: 186.750 euros

-Humanización rúa Rosal: 153.440 euros

-Humanización Avda Gregorio Espino fase 4: 1.339.390 euros

-Humanización Aragón fase 6: 568.490 euros

-Humanización rúa Valladolid: 344.130 euros

-Liquidación humanización de Vista Alegre e Julia Minguillón: 16.930 euros

-Humanización rúa Colombia, fase 2: 565.440 euros

-Mellora da drenaxe no entorno da estrada vella de Madrid, rúa Paz Pardo: 302.770 euros

-Humanización rúa Romil: 1.255.000 euros

-Túnel e peonalización da Porta do Sol: 3.800.000 euros

-Humanización Plaza Elíptica: 2.281.020 euros

-Escaleira mecánica rúa Talude: 643.450 euros

-Escaleira mecánica ao centro de saúde de Teis: 1.320.000 euros

-Ascensor Praza de Estación-Urzáiz: 453.190 euros

-Vigo Vertical Romil-Hispanidade: 1.450.000 euros

-Vigo Vertical ramplas Escultor Gregorio Fernández: 2.030.293 euros

-Vigo Vertical Colexio Losada a Ramón Nieto: 1.200.000 euros

-Vigo Vertical Ramón Nieto a Fonte Escura: 1.250.000 euros

-Vigo Vertical Travesía de Vigo – Aragón: 900.000 euros

-Liquidación da mellora da iluminación do parque de Castrelos: 23.660 euros

-Plan de eficiencia enerxética: 2.551.133 euros

-Mellora Praza da Miñoca: 1.212.030 euros

-Acondicionamento Torreiro de Valladares: 243.380 euros

-Nova escola infantil en Praza da Industria: 630.000 euros

-Cubertas para os colexios Villalaura e Frián-Teis: 682.360 euros

-Desinfeccións extraordinarias en colexios: 200.000 euros

-Novo contrato de xestión da escola infantil do Casco Vello: 55.000 euros (se engaden aos 186.900 xa orzamentados ata acadar un total de 241.900 euros)

-Programa Becas de Inglés: 1.228.000 euros (se engaden aos 3.924.465 euros xa contratados ata chegar aos 5.152.465 euros)

-Programa de festas de verán: 1.500.000 euros (se suman aos 2,5 millóns do orzamento deste ano, co que a partida quedará en 4 millóns)

-Patrocinio World Paddle Tour: 105.000 euros (no orzamento xa hai 55.000, o total pasa a 160.000)

-Complexo de Travesas (equipo de produción térmica, bombas de calor, condutos luz): 600.000 euros

-Sistema de control de humidade nos pavillóns de Río, en Balaídos: 250.000 euros

-Nova cuberta no campo de fútbol de Bouzas: 75.000 euros

-Liquidación da mellora do céspede e iluminación do campo de fútbol do Vao: 49.750 euros

-Mellora do campo de fútbol de Santa Mariña: 519.910 euros

-Estudio de medios, liñas e frecuencias para o novo contrato do Transporte Urbano Colectivo: 400.000 euros

-Mellora do edificio do Parque Central de Santa Cristina: 483.730 euros

-Reforma na antiga EDAR para auditorio en Coruxo: 925.000 euros

-Liquidación de obras na área de Tributos: 23.000 euros

-Bancada de Marcador, en Balaídos: 2.100.000 euros (se engade aos 10.656.119 euros existentes, facendo un total de 12.756.119 euros)

-Biblioteca no antigo ambulatorio de Teis: 930.000 euros