O alcalde salienta a "senda de crecemento imparable" do aeroporto de Vigo
No mes de outubro, a terminal viguesa medrou un 27% no número de pasaxeiros, fronte ao 8% rexistrado en Santiago e A Coruña e, durante os primeiros dez meses deste ano, o incremento situouse nun 36%. A tenor dos datos, o rexedor reclama á Xunta "o apoio que merece" a terminal viguesa.
Abel Caballero valorou positivamente este martes os datos de actividade do aeroporto vigués no mes de outubro, cando rexistrou un incremento do 27% no número de pasaxeiros, fronte ao 8% de suba de Santiago e A Coruña. No período que transcorre dende xaneiro ata outubro Peinador subiu un 36%.
Para o rexedor estes datos amosan que a terminal "segue a súa senda de crecemento imparable" e vai camiño de alcanzar o millón de viaxeiros. Con todo, declarou que existe un factor "significativo" para que non se chegue a esa cifra, isto é, o feito de que os voos do Imserso son levados maioritariamente ao aeroporto de Santiago, a instancias do Goberno central e da Xunta de Galicia. Isto supón, en opinión de Caballero, un "serio problema de desatención ás persoas da terceira idade" xa que, favorecendo a Santiago e dándolle comodidade á súa cidadanía, "degrádanse notablemente as condicións de utilización dos cidadáns de Vigo" que deben ir por medios propios ata Pontevedra e logo continuar ata Santiago. Así, considera que "cos tempos de espera que teñen, xa estarían en destino se saíran de Vigo" e este feito está provocando que algúns usuarios estean renunciando ás viaxes para maiores.
Así mesmo, o alcalde instou a Feijóo e ao seu goberno a que teñan en consideración que o "aeroporto de Vigo é o que máis capacidade ten de xerar viaxes" polo que "é imprescindible" que tomen conciencia da súa importancia e que o apoien "como se merece".
Para o rexedor estes datos amosan que a terminal "segue a súa senda de crecemento imparable" e vai camiño de alcanzar o millón de viaxeiros. Con todo, declarou que existe un factor "significativo" para que non se chegue a esa cifra, isto é, o feito de que os voos do Imserso son levados maioritariamente ao aeroporto de Santiago, a instancias do Goberno central e da Xunta de Galicia. Isto supón, en opinión de Caballero, un "serio problema de desatención ás persoas da terceira idade" xa que, favorecendo a Santiago e dándolle comodidade á súa cidadanía, "degrádanse notablemente as condicións de utilización dos cidadáns de Vigo" que deben ir por medios propios ata Pontevedra e logo continuar ata Santiago. Así, considera que "cos tempos de espera que teñen, xa estarían en destino se saíran de Vigo" e este feito está provocando que algúns usuarios estean renunciando ás viaxes para maiores.
Así mesmo, o alcalde instou a Feijóo e ao seu goberno a que teñan en consideración que o "aeroporto de Vigo é o que máis capacidade ten de xerar viaxes" polo que "é imprescindible" que tomen conciencia da súa importancia e que o apoien "como se merece".