Caballero destaca BorgWarner "como un dos referentes do éxito da automoción en Vigo"
O alcalde de Vigo eloxiou o proxecto empresarial que está a desenvolver internacionalmente BorgWarner, unha iniciativa convertida "nun dos referentes da automoción en Vigo", que xera "enorme orgullo" na cidade. Así o dixo durante unha visita ás intalacións para coñecer a ampliación da área de I+D na que tamén estiveron presentes o presidente da Xunta, Alberto Núñez Feijóo, o presidente e director xeral de BorgWarner Emissions Systems, Brady Ericson, ademais do vicepresidente de Enxeñaría Global de BorgWarner, Carlos Castaño.
