Os alcaldes de Vigo e Valladolid acordan cooperación institucional entre ambas cidades
Abel Caballero reuniuse este martes co seu homólogo de Valladolid, Óscar Puente, para abordar os puntos de encontro que existen entre ámbalas cidades como é a industria automobilística ou a aposta pola mobilidade sostible. Como mostra das relacións fluídas que manteñen as dúas institucións, os rexedores acordaron manter a colaboración conxunta e intercambiar experiencias e coñecemento. O rexedor vigués eloxiou o labor de Óscar Puente á fronte da alcaldía valisoletana.
