Caballero di que a Regata Ribeiro, que organiza o Náutico, amosa "a paixón da cidade por navegar"
O alcalde de Vigo, Abel Caballero, asistiu hoxe luns á presentación oficial da Regata Ribeiro - Rías de Galicia, no Real Club Náutico de Vigo, subliñando a "paixón" que para a cidade supón navegar. A competición desenvolverase do 13 ao 16 do mes en curso.
"Navegar é unha sensación profunda e facelo en nome do Real Club Náutico de Vigo é unha tradición que xa forma parte da esencia da cidade". O rexedor incidiu en que esta regata, que comeza o xoves ás 13:30 horas con partida dende a ría de Vigo, recalando en Sanxenxo, A Pobra do Caramiñal e Combarro (Poio) para rematar diante do Náutico, "é a que se encarga de lembrarnos que a cidade vive no mar e sente a navegación".
A proba, que abre hoxe mesmo a súa oficina de regatas, conta xa cuns 80 barcos inscritos, aínda que a pechadura da listaxe de unidades da flota non se producirá ata o mércores.
Caballero, que valorou o traballo técnico da organización e a Federación Galega de Vela, recordou ao patrocinador principal privado, a Denominación de Orixe Ribeiro, que "a metade do barrio de Coia ten as súas raíces no Ribeiro" e considerou aos participantes "deuses do mar que navegades dende a afección e a profesión".
Ao acto asistiron tamén, coa presidenta do Real Club Náutico de Vigo, Viviana García, como anfitriona, o presidente do Consello Regulador da D.O. Ribeiro, Miguel Ángel Viso, a edil de Deportes de Poio, Margarita Caldas, o deputado provincial de Deportes, David Regades, e un representante da Secretaría Xeral para o Deporte, Daniel Benavides.
Viviana García, presidenta do Náutico, anunciou que a intención do club é acadar que o Rías sexa "a primeira regata de España, aínda que xa o é no que se refire ás regatas por etapas; para elo contamos cunhas rías incomparables en toda Europa". Ademais, anunciou que o club solicitou á Casa Real que, dada a tradición da proba na vela pesada, a Copa do Navegante, o trofeo que recolle a historia do Rías, poida contar coas armas reais.
Descargar todas as imaxes
A proba, que abre hoxe mesmo a súa oficina de regatas, conta xa cuns 80 barcos inscritos, aínda que a pechadura da listaxe de unidades da flota non se producirá ata o mércores.
Caballero, que valorou o traballo técnico da organización e a Federación Galega de Vela, recordou ao patrocinador principal privado, a Denominación de Orixe Ribeiro, que "a metade do barrio de Coia ten as súas raíces no Ribeiro" e considerou aos participantes "deuses do mar que navegades dende a afección e a profesión".
Ao acto asistiron tamén, coa presidenta do Real Club Náutico de Vigo, Viviana García, como anfitriona, o presidente do Consello Regulador da D.O. Ribeiro, Miguel Ángel Viso, a edil de Deportes de Poio, Margarita Caldas, o deputado provincial de Deportes, David Regades, e un representante da Secretaría Xeral para o Deporte, Daniel Benavides.
Viviana García, presidenta do Náutico, anunciou que a intención do club é acadar que o Rías sexa "a primeira regata de España, aínda que xa o é no que se refire ás regatas por etapas; para elo contamos cunhas rías incomparables en toda Europa". Ademais, anunciou que o club solicitou á Casa Real que, dada a tradición da proba na vela pesada, a Copa do Navegante, o trofeo que recolle a historia do Rías, poida contar coas armas reais.