Caballero anuncia un investimento de 350.000 euros para monitores do programa municipal de escolas deportivas

Caballero, que estivo acompañado pola tenente de alcalde, Carmela Silva; e o concelleiro de Deportes, Manel Fernández, anunciou unha consignación orzamentaria de 350.000 euros para emprego de monitores nos clubes, que ata o de agora realizaban as súas tarefas sen remuneración, dado que os clubes non teñen capacidade para pagarlles un salario. En declaracións aos medios, o rexedor avanzou un incremento dun 50% na partida adicada ao deporte de base o que permitirá empregar a unhas 80 ou 90 persoas. O obxectivo é primar o deporte de base porque proporciona actividade a miles e miles de nenos e mozos na cidade, dixo o rexedor.