O Concello apoia a petición de Asetranspo dunha área loxística de transporte no sur de Galicia

O Concello de Vigo coincide con Asetranspo na necesidade de reclamar unha área loxística de transporte no sur de Galicia, tal e como lle transmitiron os profesionais do sector ao rexedor durante unha reunión que mantiveron esta mañá de venres nas dependencias de Alcaldía. Logo de constatar a "preocupación" dos profesionais polos problemas que empezan a ter no porto de Vigo, Caballero anunciou o seu apoio na intención de Asetranspo de reclamar á Xunta un plan sectorial de ámbito supramunicipal que resolva unha situación da "maior importancia" para Vigo e toda a súa área.