Manel Fernández di que o Concello "aposta polo Cidade de Vigo", o mércores entre Celta e Atlético de Madrid
Manel Fernández, concelleiro de Deportes, presentou hoxe o XLII Trofeo Cidade de Vigo, que mañá mércores (20:30, Balaídos) acudirá fiel a unha cita iniciada en 1971 e que converteu ao torneo nun clásico do verán balompédico e en referencia histórica. <br />
"Queremos que o trofeo signifique un pulo para este Celta de Primeira", asegurou o concelleiro socialista, que se felicitou pola aposta colectiva de Concello, Celta e patrocinadores privados (Begano e El Corte Inglés) "para que o evento continúe a súa marcha. A pesar das dificultades, o Concello reafirma a súa aposta polo Cidade de Vigo e, ademais, gustaríanos que poida gañalo o Celta", sostivo o edil.
Este Celta-Atlético de Madrid abre a pretempada en Vigo, aínda que os de Paco Herrera xa xogaron dous partidos en Portugal (vitoria ante o Académica de Coimbra por 0-1 e derrota contra o Oporto por 3-0). "Este partido é un premio para os abonados, é un premio máis que merecido para a afección ver ao Celta contra o campión da Europa League", sostivo Antonio Rosendo, conselleiro céltico, que presentou o torneo no Concello xunto co propio concelleiro e a representante de Begano (Coca-Cola), María Troncoso. Os abonados entrarán gratis. O de mañá será o único partido de preparación ante un rival da Líga BBVA. Os celestes xogarán, despois, cinco encontros amigables máis.
"O cartel non podía ser mellor", recoñeceu María Troncoso, que pediu que "a conquista deste torneo sexa o primeiro de moitos éxitos".
É este o cuarto verán consecutivo que o Cidade de Vigo decídese entre equipos españois. O Celta non o gaña dende 2009, porque Zaragoza e Sporting llo birlaron as dúas últimas edicións. Obtéñao o Celta ou o Atlético, a listaxe de vencedores non se incrementará: foi gañado por dezanove clubs, con maioría española (sete), seguidos por conxuntos de Brasil e Portugal (tres cada un), pero tamén voou a Grecia, Italia, Inglaterra, Hungría, Rusia e Ucraína nunha ocasión. O Celta foi o que en máis oportunidades conquistouno (20), seguido por Real Madrid e Sevilla (2). O Atlético tentará collelos. Clubs como Barcelona, Oporto, Deportivo, Lazio, PSG, Peñarol ou Vasco da Gama tamén participaron sen sorte.
O Atlético, vixente campión da Europa League, xogará a Supercopa de Europa en Mónaco o 31 de agosto diante do Chelsea.
Para a historia queda que é a terceira oportunidade no histórico do evento que o conxunto "colchonero" visita Balaídos. Disputouno en 1989, en formato triangular, contra Celta e Benfica, perdendo os seus dous partidos (3-1 ante os celestes) e acabando campión o equipo luso. E volveu xa neste século (2007), co Celta en Segunda, para levarllo á capital (0-0) na quenda de penaltis. Agora, como no 89, coinciden os dous equipos en Primeira.
Descargar todas as imaxes
Este Celta-Atlético de Madrid abre a pretempada en Vigo, aínda que os de Paco Herrera xa xogaron dous partidos en Portugal (vitoria ante o Académica de Coimbra por 0-1 e derrota contra o Oporto por 3-0). "Este partido é un premio para os abonados, é un premio máis que merecido para a afección ver ao Celta contra o campión da Europa League", sostivo Antonio Rosendo, conselleiro céltico, que presentou o torneo no Concello xunto co propio concelleiro e a representante de Begano (Coca-Cola), María Troncoso. Os abonados entrarán gratis. O de mañá será o único partido de preparación ante un rival da Líga BBVA. Os celestes xogarán, despois, cinco encontros amigables máis.
"O cartel non podía ser mellor", recoñeceu María Troncoso, que pediu que "a conquista deste torneo sexa o primeiro de moitos éxitos".
É este o cuarto verán consecutivo que o Cidade de Vigo decídese entre equipos españois. O Celta non o gaña dende 2009, porque Zaragoza e Sporting llo birlaron as dúas últimas edicións. Obtéñao o Celta ou o Atlético, a listaxe de vencedores non se incrementará: foi gañado por dezanove clubs, con maioría española (sete), seguidos por conxuntos de Brasil e Portugal (tres cada un), pero tamén voou a Grecia, Italia, Inglaterra, Hungría, Rusia e Ucraína nunha ocasión. O Celta foi o que en máis oportunidades conquistouno (20), seguido por Real Madrid e Sevilla (2). O Atlético tentará collelos. Clubs como Barcelona, Oporto, Deportivo, Lazio, PSG, Peñarol ou Vasco da Gama tamén participaron sen sorte.
O Atlético, vixente campión da Europa League, xogará a Supercopa de Europa en Mónaco o 31 de agosto diante do Chelsea.
Para a historia queda que é a terceira oportunidade no histórico do evento que o conxunto "colchonero" visita Balaídos. Disputouno en 1989, en formato triangular, contra Celta e Benfica, perdendo os seus dous partidos (3-1 ante os celestes) e acabando campión o equipo luso. E volveu xa neste século (2007), co Celta en Segunda, para levarllo á capital (0-0) na quenda de penaltis. Agora, como no 89, coinciden os dous equipos en Primeira.