Escoitar

Concertos da Escola Municipal de Música

mércores, 11 abr 2001
O grupo de saxofóns “ Utopía Ensemble” de Francia actuará na Escola Municipal de Música de Vigo o próximo día 18 dentro da programación de actividades deste trimestre do curso.

A Escola Municipal de Música leva funcionando catro anos e persegue que os alumnos adquiran as destrezas técnicas e capacidades expresivas necesarias para a práctica interpretativa individual e en grupo. Este curso ten como obxectivo amosar ó alumnado a música e as tradicións dos países Celtas ( Galicia, Irlanda, Bretaña Francesa, Inglatera e Escocia): a música programática ( con exemplos do qué quere describir a música e a súa relación coa natureza, cos comportamentos e actitudes): e a música romántica ( as formas musicais, as súas harmonías, e a súa filosofía de vida).

A Escola Municipal de Música de Vigo fomenta a participación dos seus alumnos en audicións públicas tanto individuais coma en grupo a través de concertos, audicións e festivais. Neste curso colaborou nos proxectos dos concertos didácticos da Orquestra Clásica de Vigo: no Festival de Axuda ó Salvador: intercambio cultural coa escola de Música de Olot e cooperación nos cursos da Universidade de Vigo a da Asociación de profesorado de Galicia.

A programación da Escola para este trimestre ademais do concerto do próximo día 18 do grupo de saxofóns, ten previsto organizar as seguintes actuacións: concerto de “Posumavská Dudáca Muzifa” ( República de Chequia) o 18 de maio: “ Caramuxo” grupo de clarinetes : Audicións fin de curso “ O Romanticismo” do 4 ó 15 de xuño concerto das agrupacións das escola. Todos os concertos terán lugar na sala de audicións da Escola Municipal de Música.