Escoitar

Xesus López salienta o protagonismo do pobo de Vigo no cartaz que será este ano imaxe da Festa da Reconquista

O concelleiro de Cultura, Xesus López, presentou este martes a proposta gañadora, dotada con 800 euros, do concurso de cartaces da Reconquista do 2010 e que servirá de imaxe oficial á festa. Na presentación, na que tamén participou o presidente da Asociación Veciñal do Casco Vello, Henrique Macías, e dous dos autores, Xesus López presentou tamén os duos cartaces aos que se lle concederon os áccesits, dotados con 400 euros cada un.

martes, 19 xan 2010
1263907146cartelesreconquista.jpg
"Trátase dun ano emblemático, ao celebrar o bicentenario da concesión a Vigo do título de cidade", salientou o concelleiro de Cultura. Explicou que o cartaz gañador, creado por Xosé Manuel Pena, leva por título "Reconquista da vila de Vigo" e está inspirado nunha famosa imaxe da II Guerra Mundial, pero trasladada no tempo e no espazo para dar protagonismo ao pobo de Vigo. Os dous cartaces aos que lles corresponderon aos accesits levan por título "Rachado" de David Rodríguez, e "Muller" de Raúl Cardoso.

O concelleiro de Cultura expresou os seus parabéns aos gañadores, así como a todos os participantes no concurso e á Asociación Veciñal do Casco Vello. Neste sentido, o presidente desta entidade, Henrique Macías, sinalou que precisamente este 2010 ten sido o ano con máis propostas recibidas para participar no concurso, cun total de 15.

Macías deu conta dos criterios valorados para elixir o cartaz gañador e os accésits. Indicou que se tivo en conta a referenza á concesión hai 200 anos do título de cidade a Vigo por parte do rei Fernando VII. Tamén indicou que se valorou a presenza da bandeira viguesa, como símbolo de todos os vigueses e viguesas, plasmada nos tres cartaces elixidos. "Dende o primeiro momento decatámonos da forza do cartaz gañador", subliñou.
Descargar todas as imaxes