Abel Caballero presentou hoxe a nova campaña de mupis que terán como lema “Nadal de Vigo, único no mundo”, e que este ano estarán presentes en España, Portugal, Italia, Francia, Estados Unidos e, como novidade, Xapón. Destacou que a campaña é gratuíta, “non nos custan nada”, e supoñerá a instalación de 820 mupis.
O alcalde detallou este xoves as partidas dedicadas á área medioambiental, a parques e xardíns para o próximo ano, que experimentan un ascenso de case un 11% respecto a 2025
A rúa do Príncipe acolle a mirada de dous fotoxornalistas, Alex Zapico e Sandra Barrilaro, sobre a realidade de Gaza e Palestina coa exposición “Un pobo en chamas”, enmarcada nas xornadas sobre Palestina “Gaza. Entre o horror e a esperanza”, organizadas pola ONG “Hoxe por ti” coa colaboración do Concello de Vigo. A mostra, que permanecerá ata ou 10 de novembro, foi presentada este xoves polo alcalde.
O Concello autoriza a Zona Franca a demolición de cinco construcións no Parque Tecnolóxico e Loxístico para gañar 1.661 novos metros cadrados.
Abel Caballero instou hoxe á Xunta e á Deputación a habilitar nos seus orzamentos de 2026 senllas partidas de 1,5 millóns de euros para financiar un terzo da obra de ampliación de Balaídos para o Mundial do ano 2030. Explicou que nestes momentos está en marcha o cambio do colector, que require un investimento de preto de 5 millóns. “Quero ver nos orzamentos da Xunta e da Deputación unha partida de 1,5 millóns para pagar a obra que xa estamos a facer”, afirmou.
A competición desenvolverase entre os días 26 e 28 de decembro en doce instalacións municipais. As inscricións deben realizarse a través da páxina web da Fundación VIDE.
O alcalde recibiu este xoves, no salón de plenos do Concello de Vigo, a 50 alumnos de sexto de Educación Primaria do CEIP Seis do Nadal que participaron no programa didáctico municipal "Visita ou teu Concello". Animou aos escolares a interesarse polo traballo que desenvolve a administración local a través do percorrido polas dependencias municipais, indicando a importancia das xestións e decisións que se adoptan no Concello para garantir a calidade de vida da cidadanía, desde a prestación de servizos esenciais como o abastecemento de auga, á axuda ás persoas con recursos escasos, así como aos estudantes a través das distintas becas.