O alcalde avanzou hoxe a aprobación da redacción do proxecto das novas obras para mellorar as instalacións do Auditorio de Castrelos. “Queremos seguir mellorando o espazo de Castrelos para seguir tendo os mellores concertos do mundo”, asegurou o rexedor.
A Xunta de Goberno aprobou as axudas destinadas ás asociacións veciñais da cidade por un importe de 450.000 euros. O alcalde incidiu en que estas subvencións teñen por obxectivo “facilitar o traballo” das entidades.
Abel Caballero trasladou o seu descontento coa carta enviada ao Concello pola Consellería de Vivenda e Planificación de Infraestruturas carente de información: “non se trata un investimento desta envergadura en tres liñas”.
O edificio conta con 38 vivendas en catro alturas. O alcalde informou que a actuación está cofinanciada cos fondos europeos Next Generation EU do Goberno de España.
O alcalde e a concelleira de Educación recibiron este martes a 31 alumnos de cuarto e quinto de educación Primaria do CPR Igrexa Valadares que participan na actividade didáctica "Visita ou teu Concello". Abel Caballero explicoulles, no Salón de Plenos, a importancia das decisións que se adoptan no Concello e dos servizos municipais, como o abastecemento de auga a todas as vivendas da cidade. Durante o programa, máis de 2.500 escolares percorreron as principais instalacións do edificio municipal, como a sala de control de tráfico, entre outras.