A Xunta de Goberno Local aprobará a pavimentación da totalidade da rúa República Arxentina, así como o tramo entre a rotonda de Rosalía de Castro e a rúa Pontevedra, cun investimento de 183.354 euros. “Trátase da mellora dun tramo de máis de medio quilómetro de extensión”, apuntou Abel Caballero ao avanzar que as obras servirán para mellorar as condicións de seguridade viaria.
O goberno municipal de Vigo aprobará definitivamente mañá o reparcelamento da unidade de Hernán Cortés, na confluencia entre as rúas María Berdiales, Hernán Cortés e Colmeiro Laforet, que pasará a contar cunha praza de uso público de 817 metros, segundo adiantou este xoves Abel Caballero. “Trátase dunha actuación estrutural de mellora importante na cidade de Vigo”, afirmou o alcalde.
Caballero anunciou que se deseñou un servizo especial nocturno que incrementará as frecuencias da liña N1 que conecta Samil co centro da cidade.
Abel Caballero saudou este luns aos integrantes de "Estrellas de Buenavista y más" que actuarán ás 22:30 na Porta do Sol. Os músicos e bailaríns de nacionalidade cubana explicáronlle ao rexedor a filosofía do seu grupo, así como o repertorio de temas co que encherán de ritmos caribeños a céntrica praza de Vigo. Sobre o escenario, 13 músicos e bailaríns animarán a primeira noite do mes de agosto.
Abel Caballero louvou a acción de dous axentes da Policía Local de Vigo que salvaron a vida dun home en parada cardiorrespiratoria. O feitos sucederon na céntrica rúa Príncipe, cando a central de comunicacións da Policía Local recibiu o aviso dun home indisposto na vía pública. Os policías se trasladaron ata o lugar de inmediato e iniciaron o protocolo de actuación establecido, que mantivo con vida ao varón de 66 años ata a chegada da ambulancia. Amais, o coche da Policía Local abriu paso á ambulancia no percorrido ata o Hospital Álvaro Cunqueiro. O alcalde felicitou aos axente por su bo facer. A dotación de equipos de reanimación cardiopulmonar por parte do Concello nos vehículos policiais xunto aos cursos de formación e actualización do cadro de persoal son pezas son a base do resultado favorable nestas intervencións.
Caballero mantivo unha xuntanza coa directiva da Escola Deportiva Vigo 2015 de Fútbol Sala. O equipo presentou ao alcalde como proxectan a nova temporada, na que esperan acadar éxitos. O equipo xuvenil milita na máxima categoría nacional, sendo o único equipo vigués nesta clasificación.